Санаи 12-уми феврали соли 2025 дар Палатаи ҳисоби Ҷумҳурии Тоҷикистон нишасти матбуотӣ оид ба натиҷаҳои фаъолияти Палатаи ҳисоб давоми соли 2024 баргузор гардид.

Дар нишасти матбуотӣ раиси Палатаи ҳисоб муҳтарам  Каримзода Ҷамшед ва намоянда аз Дастгоҳи иҷрояи Президенти Ҷумҳурии Тоҷикистон Исмоилзода Хуршед ва дигар шахсони масъул иштирок намуданд.

Дар оғози нишаст Раиси Палатаи ҳисоб Каримзода Ҷ. бо рӯнамои мухтасар баромад намуда, ба ҳозирин оид ба натиҷаҳои фаъолияти Палатаи ҳисоб давоми соли 2024 маълумот доданд.

Аз ҷониби намояндагони воситаҳои ахбори оммаи кишвар вобаста  ба   фаъолияти Палатаи ҳисоб дар  соли 2024 дар самти  арзёбии истифодаи маблағҳои буҷети давлатӣ дар вазорату идора, ташкилоту муассиса, лоиҳаҳои сармоягузорӣ, мақомоти иҷроияи маҳаллии ҳокимияти давлатӣ, миқдор ва намудҳои қоидавайронкунии молиявии муайянгардида, ҳаҷми барқарорӣ, татбиқи фаъолияти аудити экологӣ, ҳадафҳои Нақшаи стратегии рушди Палатаи ҳисоб, рақамикунонии аудит ва ҳамкориҳои байналмилалии Палатаи ҳисоб саволҳо пешниҳод карда шуданд.

Роҳбарият ва кормандони масъули Палатаи ҳисоб ба пурсишҳои рӯзноманигорон посухҳои мушаххас доданд.

Нишасти матбуотӣ дар фазои ҳусни тафоҳум ва муколамаи созанда баргузор гардид.

Бахши иттиллоот ва кор бо ВАО