15-уми феврал аз ҷониби кормандони Палатаи ҳисоб дар шафати шоҳроҳи Ваҳдат Данғара як ҳазор бех ниҳоли дарахтони сояафкану ороишӣ шинонида шуд.Ин тадбири муҳим ҷиҳати иҷрои нақшаи амали солҳои 2025-2027 Барномаи давлатии кабудизоркунии Ҷумҳурии Тоҷикистон барои давраи то соли 2040 сурат гирифт. Дар ин мавзеъ ниҳолҳое шинонида шудаанд, ки барои бунёди ҷангалзор, пешгирии эрозияи замин, беҳтар намудани муҳити экологӣ мусоидат мекунанд.

      Муҳимият ва таъсири кабудизоркунии атроф ҳамеша назари нек, созанда ва ҳисси зебоипарастиро дар қалби инсон бедор месозад. Тибқи нақша дар ҳошияи омодагиҳо ба ҷашни 35 солагии Истиқлоли давлатӣ то 26 600 бех дарахтони ороишиву сояафкан дар қитъаҳои 12, 13, ва 14 дар шафати шоҳроҳи Ваҳдат Данғара шинонида мешавад ва ин гушаи зебои диёр боз ҳам ба як макони сабзу шукуфон табдил хоҳад ёфт.      

Маъракаи ниҳолшинонӣ дар асоси тавсияи мутахассисон тибқи талабот ба роҳ монда шуда, вобаста ба имконият дар ин рӯзҳои мусоид то фасли баҳор идома меёбад.

Бояд тазаккур дод, ки тадбирҳои сабзу хуррамгардонӣ дар фасли баҳор пайваста дар саросари кишвар анҷом дода мешавад.

        Имруз кормандони Мақомоти олии аудити кишвар мақсад  гузоштанд, ки дар пайравӣ ба хислатҳои накӯи гузаштагон бо иҷрои саривақтии супоришҳои Ҳукумати мамлакат дар ободии диёр ба таври дастаҷамъона пайваста саҳмгузор бошанд.

 Бахши кор бо ВАО-и Палатаи ҳисоби Ҷумҳурии Тоҷикистон