Имрӯз ҷаласаи 24  ҳайати мушовараи Палатаи ҳисоби Ҷумҳурии Тоҷикистон таҳти роҳбарии раис муҳтарам Ҷамшед Каримзода баргузор гардид, ки дар кори он 7 масъала мавриди баррасӣ қарор дода шуд.

Зимни баррасии  хулоса оид ба натиҷаи аудити мустақили беруна вобаста ба баҳодиҳӣ ба ҳисоботи иҷрои Буҷети суғуртаи иҷтимоӣ ва нафақаи Ҷумҳурии Тоҷикистон барои соли 2024  ва аудити мутобиқат ва молиявӣ дар Дастгоҳи марказии Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон дар давраи аз моҳи январи соли 2024 то моҳи июни соли 2025   қайд карда шуд, ки маълумотҳои дақиқ оид ба ҳама муносибатҳо инъикос гардида,  ақидаи аудитории шартан мусбӣ, тасдиқ карда шавад.

         Инчунин ҷиҳати бартараф намудани камбудиҳои ҷойдошта ва беҳтар намудани фаъолият қарор дар бораи ирсол ва пайгирӣ  намудани тавсияҳо қабул карда шуд.

          Ҳамчунин натиҷаи хулосаҳо оид ба чорабиниҳои аудиторӣ дар Лоиҳаи “Беҳтар намудани роҳҳои алоқаи минтақавӣ дар Осиёи Марказӣ, марҳилаи 4”  ва як қисм аз сохторҳои Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон баррасӣ гардида, қарорҳои дахлдор қабул гардид.

      Дар фароварди ҷаласа бо мақсади мукаммал намудани мушахассоти таъиноти супоришнома ва расидаҳои пардохтии маблағҳои барқароргардида аз натиҷаи чорабиниҳои аудиторӣ лоиҳаи шакли намунавӣ тасдиқ гардид.

                      Бахши иттиллоот ва кор бо ВАО