Санаи 14-уми феврали соли ҷорӣ ҷаласаи васеи мушовараи Палатаи ҳисоб таҳти раёсати раиси Палатаи ҳисоб  Каримзода Ҷ. баргузор гардид, ки дар кори он 6 масъала мавриди баррасӣ қарор дода шуд.

Дар ҷараёни баргузории ҷаласаи мазкур бо қарори ҳайати мушовара (СПҲ-5200) “Роҳнамо оид ба тартиби фаъолияти таваҷҷӯҳ ба экология ва аудити экологӣ дар заминаи аудитҳои молиявӣ, мутобиқат ва самаранокӣ” қабул гардид.

Маврид ба ёдоварист, ки ҳуҷҷати мазкур тибқи талаботҳои стандартҳои байналмилалии аудит таҳия гардида,  ҷиҳати арзёбии масъалаҳои марбут ба ҳифзи муҳити зист мусоидат хоҳад намуд.

Инчунин, қарори ҳайати мушовара дар бораи тасдиқ намудани Қарордоди меҳнатии корфармо ва корманди Палатаи ҳисоб низ, қабул гардид, ки ҳадаф аз он баланд бардоштани масъулият ва уҳдадориҳои мансабӣ мебошад.

Ҷаласа дар фазои мусоид, муколамаи созанда ва ҳусни тафоҳум ба анҷом расида, дар натиҷаи он қарорҳои дахлдор қабул гардид.

Бахши кор бо ВАО-и Палатаи ҳисоб