10 июли соли равон дар Палатаи ҳисоб бо иштироки намояндаи Дастгоҳи иҷроияи Президенти Ҷумҳурии Тоҷикистон аз фаъолияти мақомот дар нимсолаи якуми соли 2025 натиҷагирӣ карда шуд.

Дар кори ҷаласа роҳбарият, сардорони воҳидҳои сохторӣ ва кормандон ширкат доштанд.

Тибқи рӯзнома, нахуст муовини раис оид ба натиҷаҳои фаъолияти Палата  ҳисобот дода, иброз дошт, ки дар ин давра ислоҳоти соҳавӣ бо маром идома ёфта, омӯзиши Стандартҳои байналмилалии аудит ва таҷрибаи пешқадами соҳа роҳандозӣ гардид.

Дар ин замина, як қатор санадҳои меъёрии ҳуқуқии мутобиқ ба стандартҳои байналмилалии аудит таҳия ва мавриди амал қарор дода шуд.

Иттилоъ дода шуд, ки дар нимсолаи якум 71 чорабинии аудиторӣ гузаронида шуд.

Дар идома ҳисоботи сараудиторон ва сардорони воҳидҳои сохторӣ шунида шуд. Дар интиҳои ҷаласа, раиси Палатаи ҳисоб муҳтарам Каримзода Ҷ. ба масъалаҳои муҳими соҳавӣ таваҷҷуҳ зоҳир намуда, вобаста ба тақвияти фаъолияти самарабахш ба роҳбарият ва кормандон дастурҳои мушаххас доданд.