Бо ворид гардидани тағйиру иловаҳо ба Қонуни Ҷумҳурии Тоҷикистон «Дар бораи рӯзҳои ид», санаи 12-уми декабр расман ба рӯйхати рӯзҳои иди кишвар ҳамчун “Рӯзи кормандони мақомоти аудити давлатӣ” муқаррар карда шуд. Ин иқдоми таърихӣ нишонаи таваҷҷуҳи махсуси Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба таҳкими низоми аудити давлатӣ ва таъмини шаффофияти молиявӣ мебошад.

Бо қабули Қонуни Ҷумҳурии Тоҷикистон «Дар бораи Палатаи ҳисоби Ҷумҳурии Тоҷикистон» дар таҳрири нав, ниҳод мақоми худро ҳамчун Мақоми олии аудити давлатӣ устувор намуд. Эълони иди касбӣ масъулияти аудиторонро барои ҳифзи маблағҳои буҷетӣ ва рушди иқтисодиёти миллӣ дучанд мегардонад.

Роҳбарияти Палатаи ҳисоб тамоми кормандон ва аудиторони соҳаро ба муносибати ин санаи таърихию касбӣ, самимона таҳният гуфта, ба онҳо барору комёбиҳо таманно менамояд.