Ҳамкорони гиромӣ,

Бо камоли ифтихор Шуморо бо ҷашни бузурги миллии мо 34-умин солгарди Истиқлоли давлатии Ҷумҳурии Тоҷикистон самимона табрик менамоям.

Имсол 34 сол мешавад, ки халқи сарбаланди тоҷик дар фазои давлати соҳибистиқлол умр ба сар мебарад. Истиқлолият ба миллати мо имконият дод, ки роҳи давлатсозӣ ва давлатдориро мустақилона интихоб намуда, баҳри ободиву пешрафти Ватан қадамҳои устувор гузорад.

Дар таҳкими пояҳои Истиқлолияти давлатӣ ва расидан ба дастовардҳои назаррас нақши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бузург ва сарнавиштсоз мебошад. Ба шарофати сиёсати хирадмандона ва дурбинонаи Пешвои миллат, сулҳу субот дар кишвар таъмин гардида, тамоми соҳаҳои ҳаёти ҷомеа, аз ҷумла низоми назорату аудити давлатӣ, рушду нумӯъ ёфтанд.

Ҳамзамон, Истиқлолият масъулияти бузургеро низ бар дӯши мо мегузорад. Мо, ҳамчун кормандони Палатаи ҳисоб, бояд содиқона ва бо масъулияти баланд фаъолияти худро ба хотири таҳкими пояҳои давлатдорӣ, ҳифзи манфиатҳои миллӣ ва рушди устувори иқтисодӣ идома диҳем.

Бовар дорам, ки бо меҳнати софдилона ва масъулиятшиносии Шумо мо низ дар мустаҳкам гардидани истиқлолияти сиёсӣ ва иқтисодии кишвар саҳми арзанда мегузорем.

Бо ин ниятҳои нек, ба ҳар яки Шумо ва аҳли хонадонатон сулҳу осоиш, тандурустӣ, бахту саодат ва барори кор орзу менамоям.

Иди Истиқлолият муборак, ҳамкорони азиз!