2 сентябри соли 2026, дар ҳошияи сафари корӣ ба Ҷумҳурии мардумии Чин, раиси Палатаи ҳисоби Ҷумҳурии Тоҷикистон муҳтарам Ҷамшед Каримзода бо аудитори генералии мақоми олии аудити Шоҳигарии Тайланд ҷаноби Монтиен Чаронпол мулоқот намуд.

Дар вохӯрӣ ҷонибҳо самтҳои муҳими ҳамкориро дар доираи Созмони байналмилалии ниҳодҳои олии аудит (ИНТОСАЙ) муҳокима намуданд.

Раиси Палатаи ҳисоби Ҷумҳурии Тоҷикистон ҷониби Тайландро ба муносибати раисии гурӯҳи кории ИНТОСАЙ оид ба аудити экологӣ таҳният гуфта, аҳамияти ин гурӯҳро дар тақвияти аудити экологӣ ва саҳми он дар баланд бардоштани сифати назорати молиявии давлатӣ баланд арзёбӣ намуд.

Ҷонибҳо омодагии худро барои ҳамкории муштарак ва саҳмгузорӣ дар ҳалли масъалаҳои экологӣ ва тақвияти аудити экологӣ тавассути чорабиниҳои аудиторӣ муҳим арзёбӣ намуданд.