28 октябри соли ҷорӣ дар Палатаи ҳисоби Ҷумҳурии Тоҷикистон бо мақсади баланд бардоштани маърифати ҳуқуқӣ ва ташвиқу тарғиби меъёрҳои қонунгузорӣ дар доираи нақша чорабиниҳои тасдиқгардида, бахшида ба 30-юмин солгарди қабули Конститутсияи Ҷумҳурии Тоҷикистон ва “Соли маърифати ҳуқуқӣ” эълон гардидани соли 2024 чорабинии илмӣ баргузор гардид.

       Дар чорабинии мазкур намоянда аз Вазорати адлияи Ҷумҳурии Тоҷикистон Иброҳимзода Толибҷон Фатҳулло муаллими калони кафедраи ҳуқуқи ҷиноятии Донишкадаи такмили ихтисоси Вазорати адлия ва Умед Муродзода муаллими калони кафедраи  ҳуқуқи конститутсионӣ ва маъмурии факултети ҳуқуқшиносии Донишгоҳи миллии Тоҷикистон дар мавзуъҳои   “Нақши Кониститутсияи Ҷумҳурии Тоҷикистон дар баланд бардоштани маърифати ҳуқуқии ҷомеа” ва “Маърифати ҳуқуқӣ василаи дарки қонунгузорӣ” иштирок ва андешаронӣ намуданд.

          Ҳамчунин дар ҷараёни ҷамъомад вобаста ба таъмини волояти қонун ва риояи тартиботи ҳуқуқӣ ибрози назар карда шуда, андешарониҳои судманд дар ин самт сурат гирифт.