Дар шаҳри Юлини Ҷумҳурии мардумии Чин семинари байналмилалӣ оид ба пешгирии биёбоншавӣ ва аудити рушди устувор баргузор гардид, ки дар он раиси Палатаи ҳисоби Ҷумҳурии Тоҷикистон муҳтарам Каримзода Ҷамшед иштирок намуданд.

Мавриди қайд аст, ки шаҳри Юлин солҳои пеш ба биёбон табдил ёфта буд ва пас аз 70 соли татбиқи барномаҳои давлатӣ акнун ба шаҳри сабзу хуррам мубаддал гардидааст.

Дар ин чорабинии сатҳи байналмилалӣ, зиёда аз 60 намоянда аз 20 ниҳоди олии аудити давлатҳои узви СҲШ ва кишварҳои ховари миена иштирок намуданд.

Иштирокчиён таҷрибаи беназири Юлинро дар мубориза бо биёбоншавӣ омӯхта, усулҳои муосир – аз қабили обёрии самаранок, ниҳолшинонии васеъ ва истифодаи технологияҳои масофасанҷӣ ва системаҳои иттилоотиро баррасӣ намуданд.

Ҳамзамон, нақши мақомоти олии аудити кишварҳо дар назорат ва арзёбии самаранокии барномаҳои экологӣ мавриди таҳлилу баррасӣ қарор гирифт.

Дар ниҳоят, иштирокчиён таҷрибаи Юлинро ҳамчун модели такрорпазир барои минтақаҳои хушки дигар эътироф намуда, омодагии худро барои ҳамкориҳои минбаъда зарур шумориданд